Кејн пред почетокот на Лигата на нации: Време е Англија да освои трофеј

Капитенот на англиската фудбалска репрезентација Хари Кејн изјави пред претстојните натпревари со Шпанија, Хрватска и Чешка во Лигата на нации дека неговиот тим влегува во новото издание на натпреварувањето со амбиција да го освои трофејот.
„Во последните години бевме многу блиску, но Шпанија беше тимот што стигна до крајот, а ние не. Шпанија е актуелен европски и светски шампион. Имаме голема почит кон нив, но ова е и можност за нас добро да ја започнеме Лигата на нации“ изјави Кејн за шпанскиот весник „Марка“.
Англија во воведното коло во А дивизијата ја пречекува Шпанија на „Вембли“ на 26 септември.
„Долго време не сме освоиле трофеј и можеби можеме да го направиме тоа оваа година преку Лигата на нации. Тоа би можело да ни помогне пред Евро 2028, кое ќе го играме на домашен терен“, додаде 33-годишниот напаѓач на минхенски Баерн.