Петти пораз на МЗТ Скопје во ФИБА Европа купот

Кошаркарите на МЗТ Скопје го претрпеа и петтиот пораз во Европа купот на ФИБА, откако вечерва загубија на гостински терен од Дзики Варшава со 89-66.

Актуелниот македонски шампион беше неможен да му се спротивстави на лидерот во групата Ф и одржуваше резултатска неизвесност до почетокот на втората четвртина, кога полскиот тим при резултат 20-19 влезе во серија од 17-4 и замина на полувреме со предност од +16 (47-31).

На почетокот на завршната четвртина, МЗТ Скопје беше и во највисока негатива од 27 поени и на крајот претрпе убедлив пораз.

Повратникот Адем Мекиќ со 11 поени беше најефикасен кошаркар на МЗТ Скопје, кој во следното коло на 11 ноември ќе му гостува на грчки Ираклис.