Леклер за проблемите со болидот на Големата награда на Бразил: Беше како лизгање по мраз

Возачот на Ферари, Шарл Леклер  зборуваше за проблемите со болидот на Големата награда на Бразил.

Леклер заврши седми, но по трката доби казна од пет секунди поради судир со Лиам Лосон од Рејсинг Булс и падна на осмото место. Неговиот клупски колега, Луис Хамилтон, заврши деветти.

– Темпото во првиот дел беше ужасно. Особено, беше многу тешко да се загреат гумите на почетокот. Неверојатно. Автомобилот беше едноставно неконтролиран. Луис очигледно најде начин, бидејќи направи фантастичен старт. За мене, беше како лизгање по мраз. Имаме многу да научиме. Врнеше дожд за време на трката и квалификациите, а целата ситуација беше како фрлање паричка, или ќе излезе правилно или погрешно. Болидот беше ужасен за возење. Нè очекува многу работа, изјави Леклер на официјалната веб-страница на Формула 1.

По 20 трки, Леклер е петти на табелата во Формула 1 со 249 бода, додека Хамилтон е четврти со 261 бод.

Следната етапа до Ф1 шампионатот ќе се одржи во Лас Вегас од 20 до 22 ноември.