Connect with us

Здравје

Русија почна со клиничка употреба на вакцина против рак на дебелото црево

Русија почна со клиничка употреба на вакцината „Онкопепт“ за лекување рак на дебелото црево, изјави денеска заменик-директорот на Федералната медицинско-биолошка агенција Игор Борисевич.

– Вакцината базирана на неоантигени на клетките на ракот од одреден пациент е развиена, регистрирана и влезе во клиничка употреба – рече Борисевич на конгресната седница „Иновативна практика: Наука плус бизнис“, пренесува РИА Новости.

Борисевич додаде дека во моментов е во тек регрутирање пациенти за таа цел.

Пептидната вакцина „Онкопепт“ беше применета кај првите пациенти во март. Индицирана е за возрасни лица кои се оперирани и примиле најмалку две линии системска хемотерапија.

По неколкумесечно набљудување на вакцинираните лица, директорката на Федералната медицинско-биолошка агенција Вероника Скворцова забележа дека тие немале никакви сериозни несакани ефекти и оти самиот лек создава неопходен имунолошки одговор. 

Ad
Ad