Реал Мадрид ја декласираше Црвена Звезда во кошаркарската Евролига

Кошаркарите на Реал Мадрид ја постигнаа седмата победа во Евролигата откако синоќа на домашен терен ја совладаа Црвена Звезда со 105:84. На тој начин се изедначија со скорот на „црвено-белите“ и се најдоа во група од пет тима со ист ефект.

Во дуелот на двете израелски екипи на натпревар одигран на Кипар, Макаби го совлада Хапоел со 80:73.

На другите дуели одиграни синоќа: Олимпијакос – Дубаи 101:72, Милано – Жалгирис 83:86 и Валенсија – Баерн 102: 87.

Вечерва се играат три натпревари: Анадолу Ефес – Виртус, Панатинаикос – Барселона и Вилербан – Бешикташ.

На чело на табелата е Панатинаикос со скор 8-2 (победи-порази), пред Валенсија и Олимпијакос со 8-3, Барселона има 7-3 и потоа следуваат петте екипи со биланс 7-4.