Connect with us

Фудбал

Покетино сака три засилувања во јануари

Новиот тренер на Манчестер Јунајтед Маурисио Покетино сака да го засили тимот во јануарскиот преоден рок со лев бек, централен дефанзивец и напаѓач, јавија вечерва англиските медиуми.

Потенцијалните засилувања се централниот дефанзивец на Евертон Џарад Брантвејт (24), левиот бек на Фулам Антони Робинсон (29), неговиот соиграч Калвин Баси, кој може да игра како лев бек и централен бек, како и напаѓачот на Лидс Доминик Калверт-Луин (29).

Евертон претходно веќе ги одби сите понуди на Јунајтед за Брантвејт, кој има договор до 2030 година и според медиумите, клубот од Ливерпул сигурно нема да му дозволи трансфер за сума помала од 50 милиони евра.

Робинсон е во Фулам од 2020 година и неговата вредност би можела да биде околу 20 милиони евра, а Баси е проценет на 28 милиони евра.

Покетино ќе дебитира на клупата на Манчестер Јунајтед в недела против Ливерпул.

Ad
Ad