Хегсет: Агенциите за безбедност и воените експерти за кибербезбедност се задолжени за безбедноста на среднорочните избори на САД

Американскиот министер за одбрана Пит Хегсет изјави дека американската Агенција за национална безбедност и другите агенции за воено разузнавање ќе бидат ангажирани за кибербезбедноста на изборниот процес на САД за време на среднорочните избори што ќе се одржат во ноември.

Хегсет минатата недела со интерен меморандум им нареди на разузнавачките службеници да ги мобилизираат сите ресурси „за да ја заштитат изборната инфраструктура од малигно странско влијание и да обезбедат секој легитимен гласач да може да гласа без да биде подложен на странско заплашување, принуда или страв“.

Воените експерти за кибербезбедност рутински помагаат во следењето на изборите и одвраќањето на потенцијалните хакери откако американските изборни системи беа назначени за „стратешка инфраструктура“ во 2017 година.

Агенцијата за кибербезбедност и безбедност на изборната инфраструктура минатата недела објави план за безбедноста во кои се наведени потенцијалните закани по системите.