Лејди Гага го доби првото дете со свршеникот Мајкл Полански

Американската поп-ѕвезда Лејди Гага го доби своето прво дете со свршеникот, претприемачот Мајкл Полански, објавија американските медиуми, пренесувајќи потврда од блиски извори.

Веста за раѓањето на бебето за медиумите „Пејџ сикс“ и „Пипл“ ја потврди извор близок до парот. Дополнителни детали за детето – вклучително полот, името или точниот датум на раѓање – засега не се јавно објавени.

Четириесетгодишната пејачка, чие вистинско име е Стефани Германота и која е позната по планетарниот хит „Bad Romance“, е во врска со Полански од 2020 година, а двојката се сврши во 2024 година.

Музичарката, која нејзините обожаватели со милост ја нарекуваат „Мајка чудовиште“ (Mother Monster), во последните години отворено зборуваше за својата желба да оформи семејство и да стане мајка.

Нејзината најнова светска турнеја „Mayhem Ball“ заврши во април, а нејзиниот последен албум „Mayhem“ доби повеќе номинации за наградата „Греми“, при што претходно годинава ја освои и престижната награда за „најдобар поп-вокален албум“.