Поп Арсова и Тосев победници на 11. издание на атлетската трка „23-ти Октомври“

По повод Денот на македонската револуционерна борба, денеска низ улиците во Скопје се одржа 11. издание на традиционалната атлетска трка „23-ти Октомври“ на 10 километри, на која Адријана Поп Арсова во женска и Жан Тосев во машка конкуренција беа најбрзи меѓу уесниците.

Поп Арсова го освои првото место на женската трка со време 38:04, пред Благица Јованова (41:44) и Марија Гинова (44:04).

Во машка конкуренција, Тосев најбрзо ја истрча патеката од 10 километри со време 33:11, минувајќи прв низ целта пред Игор Трифуновски (34:23) и Кокан Ајановски (36:34)

Во трката на 5 километри, првото место во машка конкуренција го освои Роберт Ановски, пред Петре Завировски од АК Вардар и Симон Калановски од АКК Ран Клуб.

На женската трка на 5 километри, прва низ целта мина Емили Ивановска, пред Катерина Јовановска од АК Атомик и Христина Гиздовска.