Две лица од Куманово нападнале и ограбиле 64-годишен маж, се обиделе да го принудат да подигне брз кредит

Две лица од Куманово измамиле, физички нападнале и ограбиле 64-годишен маж, а потоа се обиделе да го принудат да подигне брз кредит од финансиско друштво. Вработена во друштвото повикала полиција откако мажот ѝ сигнализирал дека е принуден да го направи тоа. Вчера полициски службеници од СВР Куманово ги лишиле од слобода 45-годишната С.Б. и Р.Т. (52), двајцата од Куманово.

Според пријавеното, С.Б. го измамила 64-годишниот маж и го повикала во својот дом, наводно за да ѝ помогне да купи мобилен телефон. Кога пристигнал во дворот, Р.Т. физички го нападнал, а С.Б. му одзела пари и мобилен телефон. Потоа, според пријавата, двајцата го принудиле да отиде во финансиско друштво за да подигне брз кредит. Мажот успеал да ѝ сигнализира на вработената дека е принуден да го направи тоа, по што таа повикала полиција. Двете лица биле приведени во полициска станица. По целосно документирање на случајот, против нив ќе следува соодветна пријава