Силвер за европската НБА: Првичниот производ ќе биде различен од конечната форма кога ќе ги собереме сите тимови и ќе преземеме целосна контрола

Комесарот на НБА, Адам Силвер, ги кажа плановите за европската лига на НБА.

Првично, НБА планира да започне европски турнир на есен 2027 година. Состанок на клучните сопственици на Евролигата е закажан за почетокот на октомври. Тие чекаат понуда од НБА за купување на турнирот или конечна визија за идните натпреварувања на европскиот пазар.

Силвер, не даде јасни одговори по последниот состанок на Одборот на гувернери, но навести желба за соработка со Евролигата.

– Важно е турнирот да се претстави на јавноста следното лето. Првичниот производ што го имаме следната година ќе биде различен од конечниот производ откако ќе ги собереме сите тимови и ќе преземеме целосна формална контрола врз лигата, заклучи Силвер. 

НБА сè уште нема јасно разбирање за својот систем на плати, унифицирано телевизиско емитување, инфраструктура и систем на арени.