Првите дами на САД и Кина го посетија еден од најголемите музеи за азиска уметност во САД

 Првата дама на САД, Меланија Трамп и првата дама на Кина, Пенг Лијуан, денеска го посетија Националниот музеј за азиска уметност „Смитсонијан“.

Посетата беше дел од посебна програма организирана за Пенг за време на официјалната посета на кинескиот претседател Шји Џинпинг на Вашингтон.

Таму ја посетија „Паун собата“, дело на американскиот уметник Џејмс Мекнил Вислер, како и сликата на Вислер „Принцезата од земјата на порцеланот“.

Последната официјална средба меѓу Меланија и Пенг се одржа во 2017 година, кога претседателот Доналд Трамп го посети Пекинг за време на неговата турнеја низ Азија во текот на првиот мандат. Тогаш, првите дами пиеја чај и посетија училиште.

Меланија Трамп не го придружуваше сопругот при неговата посета на Пекинг претходно оваа година.

Пенг, која е оперска певица, почесто се појавува на јавни настани, за разлика од нејзините претходнички, кои ретко учествуваа во државни посети.

Семејството Трамп вечерва приредува официјална вечера во Белата куќа во чест на Шји и Пенг.