Наполи заинтересиран за Гитенс

Италијанскиот прволигаш Наполи е заинтересиран да ги засили своите редови во зимскиот преоден рок со крилниот напаѓач на Челзи, Џејми Гитенс (22), јавија денеска италијанските медиуми.

Гитенс има само два настапа за Челзи оваа сезона и би можел да го напушти Стемфорд Бриџ во јануари. Рома беше блиску до потписот на Гитенс ова лето, но Челзи ја одби нивната понуда од 43 милиони евра.

Фудбалерот на Челзи не е единственото име на листата желби на Наполи.

Клубот од Неапол би сакал да го засили и нападот, па напаѓачот на Монца, Густаво Варела, кој во моментов е најдобар стрелец во Серија А со девет голови исто така е на нивниот радар.

Наполи исто така сака да го засили средниот ред со Мамаду Кулибали (22) од Монако, а неговата вредност се проценува на 40 милиони евра.