Донарума: Бев разочаран од тоа како заврши мојата приказна во ПСЖ

Голманот на Манчестер сити, Џанлуиџи Донарума, изјави дека сè уште е огорчен што го напушти ПСЖ, но треба да сврти нова страница и да продолжи понатаму.

– Не беше лесно да се напушти клуб како ПСЖ. Штета што по сезона во која ја освоивме Лигата на шампионите за Париз, нешто што никогаш порано не се случило, морав да си заминам. Боли. Но, треба да свртам нова страница. Се чувствував разочаран затоа што, кога пристигнав во ПСЖ, се адаптирав на клубот, а тоа беше мојот главен фокус. Но, на крајот на краиштата, последните неколку месеци беа сосема поинакви. Разочарувачки е. Никогаш не можам да го објаснам, но морам да го прифатам. Бев разочаран од тоа како заврши ситуацијата. Тажно е, но треба да продолжам понатаму, изјави Донарума за „Скај Спортс“.

Тој ја започна својата кариера во Милан во 2015 година, и на 16-годишна возраст стана втор најмлад голман што дебитирал во Серија А.