Connect with us

Свет

Лекорни: Киберзаканата е на невидено ниво, нема индикации дека ситуацијата ќе се подобри

Францускиот премиер Себастијан Лекорни предупреди дека државата е на удар од сериозни киберзакани и нема индикации дека ситуацијата ќе се подобри.

Францускиот премиер одржа меѓуминистерски состанок за кибербезбедноста по бројните напади што ги таргетираа француската администрација и бизнисите во изминатите месеци. Тој рече дека Франција е меѓу првите што биле изложени на такви напади, но дека сега тоа влијае на голем број европски земји, што укажува на системски и глобален проблем.

Лекорни оцени дека зад нападите стојат држави, но и киберкриминалци мотивирани од профит или милитантни и симболични цели.

Винсен Струбел, директор на Националната агенција за безбедност на информациските системи, исто така оцени дека интензитетот на нападите е без преседан.

За да се зајакне кибербезбедноста на земјата, владата воведе обврска за министерствата да издвојат најмалку пет проценти од своите дигитални буџети за заштита, од 2027 година, а десет проценти до 2030 година. Синџирите на супермаркети, Генералниот директорат за јавни финансии и филијалите на Поштата беа цел на кибернапади во Франција во изминатите недели.

Ad
Ad