Француската левица повикува на нов бран протести

Француската левичарска партија Непокорна Франција (LFI) денеска повика на продолжување на протестите на средношколците и покрај апелот на владата до учениците да се вратат на училиште.

„Протестите ќе престанат кога ќе бидат исполнети барањата. Студентските организации повикуваат на протести в сабота и ние ќе бидеме таму“, изјави денеска Матилд Пано, претседателка на пратеничката група на LFI во Француското национално собрание, јави телевизијата Бе-Еф-Ем.

По неколку недели мобилизација, францускиот министер за образование Едуар Жефри вчера повика учениците да се вратат во училниците.
„Не е до министерот да одлучува за ова“, изјави Пано.

По неколкунеделни протести, владата понуди одговори на барањата на средношколците и студентите, но тие не ги убедија целосно младите луѓе, кои сè уште повикуваат на мобилизација в сабота, 31 октомври.

Во меѓувреме, Службата за координација на движењето „Жолти елеци“ и Општата конфедерација на синдикати (CGT) ѝ ја доставија на париската полиција рутата на протестите планирани за 31 октомври во Париз.