Тренерот на Венеција, Стропа, по петтиот последователен пораз: Табелата не го одразува ефектот на тимот

Тренерот на Венеција, Џовани Стропа, го коментираше поразот (0:2) од Лацио синоќа на домашен терен во 5. коло од Италијанското фудбалско првенство.

Венеција го загуби својот петти натпревар по ред.

– Табелата не ја одразува изведбата на тимот. Само погледнете ја статистиката, имавме шест удари кон голот, Лацио имаше два, а загубивме 0:2. Првото полувреме беше исклучително, бевме добро подготвени, а играчите го протолкуваа толку добро. Пеналот можеше да биде пресвртница, но го промашивме. Во второто полувреме Лацио го реализираше својот пенал. И покрај ова, тимот никогаш не ја изгуби верата, не ја изгубивме смиреноста, но сепак загубивме. Да бев претседател, немаше да го отпуштам тренерот бидејќи работата што ја завршивме е јасна за сите. Најмногу ми е жал што ги немам сите играчи на располагање. Секако, не сум претседател, па одлуката не зависи од мене. Ќе видиме што влијае на одлуката – резултатите или работата што ја работиме секој ден, го цитира „Скај Спорт“ 58-годишниот италијански стручњак.

Венеција без освоен бод е на последното, 20. место на табелата во Серија А. Тие ќе играат против Аталанта на гостински терен во 6. коло.