Фабрегас: Ми станува јасно каков тим имаме

Тренерот на Комо, Сеск Фабрегас, е задоволен од изданието на неговите фудбалери на вчерашниот натпревар со Парма. Комо на домашен терен победи со 2:1 во четвртото коло од првенството во Серија А.

– Неколку играчи беа многу уморни, направивме неколку замени, а ми се допадна како другите влегоа од клупата. Ова беше важен одговор за тимот бидејќи значи дека можам да се потпрам на сите. Многу сум задоволен од настапот. Ова е важна победа за мене како тренер бидејќи почнувам да разбирам каков тим можеме да станеме. Толку многу нови работи се случија оваа сезона. Кога имате 31 удар кон голот и постигнувате само еден гол, знаете дека противникот ќе направи некои промени за да ја зајакне својата одбрана и дека ризикувате да примите гол, што на крајот се случи, рече шпанскиот тренер на прес-конференција.

Комо со 10 бода по четири натпревари е трет на табелата. Во следното коло на 20 септември Комо ќе се соочи со Фросиноне на гости.