Џенерал моторс развива сопствен ВИ асистент за автомобили

Американскиот производител на автомобили Џенерал моторс (ГМ) денеска најави дека до крајот на годината ќе почне сопствен систем на вештачка интелигенција за автомобили, кој би требало да биде подобро приспособен на потребите на возачите од општите ВИ асистенти.

Новата ГМ технологија ќе биде подлабоко интегрирана со возилото, неговите системи и податоците за работата на автомобилот од неодамна воведениот асистент на Гугл, Џеминај, напомена компанијата.

За разлика од класичните гласовни асистенти кои главно одговараат на прашања или извршуваат основни команди, ГМ сака неговата вештачка интелигенција (ВИ) да ја разбере состојбата на возилото, начинот на возење и потребите на сопственикот.

Компанијата работи со неименуван производител на големи јазични модели (LLM) на технологија која би можела да овозможи функции како што е предвидливо одржување, односно рано предупредување за можни дефекти пред да настанат посериозни проблеми.

Асистентот на база на вештачка интелигенција би можел да ги користи податоците за возилото, да му помага на возачот околу одржувањето и автоматски да приспособува одредени функции. Меѓу опциите се споменува и таканареченото „приспособување за деца“, кое би ги приспособило музиката, седиштата, температурата и заклучувањето на вратите на потребите на децата.

Автомобилската индустрија последниве години сè повеќе вложува во вештачка интелигенција, бидејќи производителите се обидуваат да ги претворат автомобилите од превозни средства во дигитални платформи со постојани софтверски унапредувања, пренесуваат медиумите.