Ван Бомел ќе биде нов селектор на Белгија

Марк ван Бомел ќе биде нов селектор на репрезентацијата на Белгија. Договорот ќе важи до крајот на Европското првенство во 2028 година, објавија некои белгиски медиуми.

Наводно, сите услови од договорот со 49-годишниот Холанѓанец веќе се договорени.

Ван Бомел претходно ги тренираше Антверпен, Волфсбург и ПСВ, а беше дел и од тренерските штабови на репрезентациите на Холандија до 17 години, Саудиска Арабија и Австралија.

Претходен селектор на Белгија беше Французинот Руди Гарсија. На 20 јули беше објавено дека ќе го напушти тимот. Гарсија ја водеше репрезентацијата од јануари 2025 година.  Под водство на Французинот, Белгија стигна до четвртфиналето на Светското првенство во 2026 година, каде што загуби со 2:1 од Шпанија, освојувачот на трофејот.