Репрезентативецот Ѓорги Ѓоргиев нов одбојкар на Црвена ѕвезда

Организаторот на играта на македонската машка одбојкарска репрезентација, Ѓорѓи Ѓоргиев е нов техничар на Црвена Звезда.

Српскиот клуб денеска официјално му посака добредојде на искусниот македонски репрезентативец и го претстави како засилување на екипата за новата сезона.

Ѓоргиев првпат ќе игра во српскиот шампионат откако претходно интернационалната кариера ја градеше настапувајќи во клубови од Бугарија, Турција, Полска и Франција.

Откако успешно го затвори трансфер периодот, Ѓоргиев сега со репрезентативните колеги се фокусира на обврските со националниот тим, со кој викендот го игра вториот турнир од Европската лига 2026, а во септември го очекува и настапот на Европското првенство во Софија.