Трамп викендов очекува конечен договор за завршување на војната со Иран

Американскиот претседател Доналд Трамп денеска изјави дека очекува конечниот договор за завршување на војната со Иран да биде постигнат „за ден или два“.

Трамп за „Аксиос“ изјави дека американските и иранските преговарачи веројатно ќе се состанат овој викенд.

– Иранците сакаат да се состанат. Сакаат да постигнат договор. Мислам дека состанокот веројатно ќе се одржи во текот на викендот. Мислам дека ќе постигнеме договор во наредните ден или два – рече Трамп во телефонска изјава.

Повеќе американски функционери и други извори запознаени со преговорите изјавија за „Аксиос“ дека, иако е постигнат значителен напредок додека САД и Иран се приближуваат до мировниот план, и понатаму постојат разлики во клучни прашања.