Трамп ја предлага Ерика Шварц за директор на националниот Центар за контрола и превенција на болестите

Претседателот на САД, Доналд Трамп, изјави дека ќе ја номинира Ерика Шварц за функцијата директор на Центарот за контрола и превенција на болестите (CDC) во рамките на предвидените кадровски промени во националното здравство.

Шварц во периодот на ковид-епидемијата ја извршуваше функцијата заменик-главен државен инспектор за здравство и беше дел од координативното тело за справување со епидемијата.

Доколку биде потврдена нејзината номинација, таа ќе раководи со Агенцијата одговорна за следење и реагирање на закани врз јавното здравје. Директорот на Агенцијата со седиште во Атланта има клучна улога во креирањето на политиката за вакцинација во САД.

Шварц ќе одговара пред министерот за здравство, Роберт Ф. Кенеди Јуниор, кој е познат по своите ставови за вакцините, кои честопати се спротивни на одредени кругови во научната фела.

Во претходниот период Трамп ја разреши тогашната директорка на Центарот, Сузан Монарес, по несогласувања за предложените промени во вакциналната политика.

Анкетите покажуваат дека дел од јавноста не ги поддржува реформите поврзани со вакциналниот календар.