Ливерпул конечно успеа да стигне до победа

Шампионот на Премиер лигата Ливерпул по еден месец се израдува на победа во шампионатот откако последниот триумф го имаше на 1.ноември против Астон Вила. На гостувањето кај Вест Хем „црвените“ славеа победа со 2:0 со головите на Александер Исак (60.минута) и Коди Гакпо (90+2 минута). Со овој триумф Ливерпул се искачи во горниот дел на табелата (осмо место) со 21 бод.

Ист број бодови (21) има и Манчестер Јунајтед, кој денеска со пресврт стигна до победа од 2:1 во дуелот со Кристал Палас.

На другите два натпревара одиграни попладнево: Нотингем Форест – Брајтон 0:2 и Астон Вила – Вулверхемптон 1:0.

Последен натпревар од 13.коло во Премиер лигата е дербито меѓу Челзи и Арсенал кое почнува во 17:30 часот.