Бојкот на извлекувањето на групите на Светското првенство

Иран донесе одлука да го бојкотира извлекувањето на групите за Светското првенство 2026 кое ќе се одржи на 5.декември во Вашингтон. Оваа одлука ја донесе фудбалската федерација на Иран, откако САД одбија да издадат визи на неколку членови од нивната делегација.

Ја известивме ФИФА за донесената одлука, која нема допирни точки со спортот членови на иранската федерација нема да бидат дел од церемонијата на извлекувањето на групите за Светското првенство, изјави портпаролот за државната телевизија.

Медиумите во Иран пренесуваат дека меѓу лицата, кои не добиле визи е и претседателот на Иранската фудбалска федерација Мехди Таџ и извршниот директор на репрезентацијата Мехди Карати. Вкупно седум лица не добиле влезни визи.

Фудбалската репрезентација на Иран досега има шест учества на светски првенства и никогаш не ја минале првата фаза.