Србинот Тупајиќ нов тренер на Работнички

Српскиот стратег Ален Тупајиќ е назначен за нов тренер на македонскиот фудбалски прволигаш Работнички, објави попладнево скопскиот клуб.

Тупајиќ (50) седнува на клупата на Работнички на местото на Турчинот Алпарслан Ердем кому во вторникот му беше врачен отказ по серијата слаби резултати во домашното првенство.

По 13 одиграни кола во Првата македонска фудбалска лига (ПМФЛ) Работнички е претпоследно пласиран со седум бодови, запишувајќи само една победа во досегашниот тек на сезоната.

Тупајиќ, чиј последен тренерски ангажман беше на клупската на српскиот клуб Бор, ќе дебитира на клупата на Работнички на 24 ноември кога скопскиот клуб ќе ја пречека второпласираната Струга.