Тик Ток постигна спогодба со Алабама пред судењето

Американската држава Алабама соопшти дека постигнала спогодба со социјалната мрежа TikTok и нејзината кинеска матична компанија ByteDance, неколку дена пред судското рочиште закажано за обвинувања за занемарување на безбедноста на корисниците и опасност од зависност. Тоа е првата спогодба што TikTok ја склучи со федерална држава, која се соочува со слични обвиненија низ САД.

Според постигнатата спогодба, на Алабама ќе и бидат исплатени 100 милиони долари во рок од 45 дена, објави канцеларијата на државниот обвинител на таа федерална држава. Дополнително, TikTok ќе направи промени на својата платформа, како што се ограничување од два часа на ден, паузи по 15 минути користење и подобрени модели за верификација на возраста.

Судењето требаше да започне в понеделник и да и обезбеди на јавноста увид во работењето на TikTok.

Тужбата во име на Алабама ја поднесе минатата година државниот обвинител Стив Маршал, член на Републиканската партија. Тужбите дојдоа од 27 други држави.