Германската полиција следи 410 исламисти како безбедносна закана

Германската федерална криминална полиција (BKA) моментално класифицира 410 исламисти како закана, според Уредничката мрежа на Германија (RND).

Тие лица се во категоријата „исламски тероризам/екстремизам“.

Покрај нив, 65 лица се во категоријата десничарски екстремизам, уште 17 во левичарски екстремизам, според податоците од почетокот на овој месец, објави денеска ДПА.

Полицијата ги класифицира како закана луѓето за кои смета дека се подготвени за посериозни кривични дела, како што е напад.

Причините зошто федералната полиција ги класифицира одредени луѓе како закана – или ги брише од списокот – се разновидни и се предмет на анализа во секој поединечен случај, изјавија претставници на БКА, објави ДПА.

Затоа, бројот на лица класифицирани како закана постојано се менува. Во исто време, категоризацијата како посебен критериум не води до можен заклучок за состојбата на безбедноста.

Прославата на берлинската Парада на гордоста во саботата беше прекината од германски државјанин со либанско потекло кој влезе со комбе во толпата. Најмалку една жена беше убиена, а уште триесет беа повредени. Осомничениот напаѓач беше убиен од полицијата по потера.

Нападот предизвика дебата во Германија за построго справување со луѓето кои претставуваат екстремистичка закана.