ФИА ќе го разгледа барањето на Алпин за евентуално преиспитување на казните на Гасли во Монако

Светската автомобилистичка федерација (ФИА) ќе ги разгледа аргументите на Алпин во врска со казните на трката во Монако одржана во неделата.

ФИА го прифати барањето на тимот Алпин за преиспитување на казните на Пјер Гасли на Големата награда на Монако.

Гасли заврши трет, но падна на седмото место поради две казни за пребрзо возење во боксот.

ФИА ќе го разгледа случајот утре (11 јуни). Состанокот ќе се одржи виртуелно и ќе биде поделен на два дела. За време на првиот дел од состанокот, претставниците на федерацијата ќе ги слушнат аргументите на Алпин, а потоа ќе утврдат дали аргументите на тимот содржат нови информации недостапни во моментот на донесување на одлуката.

Доколку стјуардите утврдат дека е така, вториот дел од состанокот ќе се одржи кратко потоа.