Леклер го продолжи договорот со Ферари

Возачот Шарл Леклер се обврза на повеќегодишно продолжување на договорот со Ферари, потврди денеска тимот од Формула 1 пред претстојната трка за Големата награда на Монако.

Леклер е во Ферари од 2019 година и досега настапи на 155 трки за тимот, забележувајќи осум победи.

Ферари не ја објави временската рамка на новиот договор.

„Заедно споделивме неверојатни моменти, некои тешки, но верувам во овој тим повеќе од кога било и сум длабоко благодарен што ќе продолжиме да чекориме рамо до рамо кон нашата заедничка цел да ја вратиме титулата во Маранело“, рече Леклер.

Во моментов Леклер е на третото место во генералниот пласман на возачи за оваа сезона, која продолжува на 7 јуни со Големата награда на Монако.