Дурант сака да настапи на ЛОИ 2028

Иако ќе има речиси 40 години кога за две години ќе се одржат Летните олимписки игри (ЛОИ) 2028 во Лос Анџелес, кошаркарската ѕвезда на НБА лигашот Хјустон, Кевин Дурант, сака повторно да биде дел од американската кошаркарска репрезентација.

Дурант неодамна на хуманитарен настан на кошаркарската репрезентација на САД јасно стави до знаење дека е цврсто посветен да настапи на Игрите во Лос Анџелес, а ова беше потврдено и со неговите претходни изјави за Олимписките игри, дадени на крајот од сезоната 2025/26, пренесува „Атлетик“.

„Едноставно е забавно, луѓе. Тоа е неверојатен период. Патуваш низ светот. Не знам дали ќе патуваме низ светот, со оглед на тоа што Игрите се одржуваат во САД, но во последниве години бевме во Дубаи, Абу Даби, Париз, Лондон, Канарските Острови, Мадрид … Бев на места што ја променија не само мојата перспектива за играта, туку и за животот воопшто. Бев на места за кои никогаш не би помислил дека ќе бидам без кошарка. Тоа е едно од најдобрите искуства. Ги охрабрувам сите да играат за својата земја“, им изјави Дурант на американските новинари.

Дурант играше за тимот на САД на секоја од последните четири ЛОИ и беше клучен играч во освојувањето на златните медали на секој од тие турнири.

Дурант минатата сезона во НБА лигата имаше просек од 26 кошеви, 5.5 скокови, 4.8 асистенции и 2.4 украдени топки по натпревар.