Арбелоа со поддршка за Винисиус, кој беше исвиркан од навивачите

Тренерот на Реал Мадрид, Алваро Арбелоа, по победата од 2:1 над Алавес синоќа во 33. коло од шпанското првенство, го поддржа фудбалерот Винисиус Жуниор, кој беше исвиркан од навивачите пред натпреварот.

– Свирежите? Не чувствувам дека се насочени исклучиво кон него. Тоа се реакциите на нашите навивачите. Тие сакаат играчите да го покажат својот максимум. И јас бев исвиркан кога бев играч. Јас сум задоволен од она што Винисиус го направи на натпреварот претворајќи ги свирежите во аплауз. За мене, тоа е најважното нешто. Ова не е прв пат да се случи нешто вакво. Вини отсекогаш вложувал огромен напор во тешки ситуации. Не можеме да ја негираме неговата желба да направи повеќе. Тој има неверојатна храброст. Тој чувствува длабока врска со грбот и дресот на Реал Мадрид. Верувам и се надевам дека ќе остане во Реал Мадрид уште многу години, изјави Арбелоа за „AS“.

Реал Мадрид има 73 бода и ја намали разликата во однос на лидерката Барселона на шест, но Каталонците имаат натпревар помалку.