Унгарската влада обвини новинар за шпионажа

Владата на Унгарија поднесе кривична пријава против истражувачкиот новинар Саболча Пањи, кој го обвинува за шпионски активности во координација со странски држави.

Пањи пишува за националната безбедност и разузнавачките прашања и објави текстови за руските операции во Унгарија, како и за односите на Москва со унгарскиот министер за надворешни работи, Петер Сијарто.

Пањи ги негира обвинувањата за шпионажа, а исто така демантира дека им го дал телефонскиот број на Сијарто на странски држави.

Провладини унгарски медиуми објавија тајно снимена конверзација на Пањи, во која новинарот го потврдува бројот на Сијарто.

„Вашингтон пост“ минатата недела објави дека Сијарто редовно се консултирал со шефот на руската дипломатија Сергеј Лавров за време на паузите на состаноците на Советот на Европската Унија.