Франција не планира да го бојкотира СП 2026 година

Франција нема планови да го бојкотира Светското првенство во Соединетите Американски Држави.

Француската министерка за спорт Марина Ферари изјави дека нејзиното министерство нема планови да го бојкотира Светското првенство 2026 поради политиката на САД.

– Во оваа фаза од нашите дискусии, нашето министерство нема намера да го бојкотира ова големо натпреварување. Сепак, не давам никакви предвидувања за тоа што може да се случи. Слушнав секакви мислења од одредени политички блокови. Инсистирам да го одвоиме спортот од политиката. Светското првенство е исклучително важен момент за сите спортски фанови, рече Ферари.

Светското првенство во 2026 година ќе се одржи во Соединетите Американски Држави, Канада и Мексико од 11 јуни до 19 јули.