Прв случај на африканска свинска треска во Шпанија од 1994 година

Шпанија го регистрира својот прв случај на африканска свинска треска од 1994 година, откако вирусот беше пронајден кај две мртви диви свињи во близина на Барселона, објави денеска Министерството за земјоделство.

Министерството ја информираше Европската Унија и активираше итни мерки во погодената област додека истрагата за потеклото на инфекцијата продолжува.

Вирусот, кој е безопасен за луѓето, но смртоносен за свињите, се шири низ Западна Европа во последните години.

Болеста нанесе тежок удар на свињарската индустрија во Германија и доведе до забрана за извоз во прекуокеанските земји.

Во последните месеци, Хрватска, исто така, се бореше да го спречи ширењето на болеста на свињарските фарми.