Канада гради нафтовод за да го зголеми бродскиот извоз на нафта во Азија

Премиерот на Канада, Марк Карни и премиерката на канадската покраина Алберта, Даниела Смит потпишаа договор за изградба на цевковод, за зголемување на извозот на нафта со бродови во Азија.

Нафтоводот ќе оди од Алберта, богата со нафтени наоѓалишта, до новото пристаниште за големи бродови на брегот на Тихи Океан во покраината Британска Колумбија.

Цевководот треба да биде изграден до јули 2026 година. Предвидени се консултации, особено со домородните заедници во областа, кои веќе се спротивставија на цевководот.

Стратегијата на Карни за диверзификација на трговијата и ублажување на ефектите од трговскиот спор со САД, предвидува поголемото отворање кон светските пазари.