Поранешниот директор на српското воено разузнавање е нов амбасадор во Русија

Нов српски амбасадор во Русија е Драган Владисавлевиќ, поранешен директор на српската Военоразузнавачка агенција.

Владисавлевиќ беше назначен од поранешниот српски претседател Александар Вучиќ на 25 септември, два дена пред тој да поднесе оставка од функцијата. Во Москва тој ќе го замени Момчило Бабиќ, кој исто така беше отповикан претходно овој месец, додека, пак, Владисавлевиќ претходно беше отповикан од функцијата амбасадор во Азербејџан, каде што стапи на должност во мај 2021 година.

Според неговата биографија објавена на веб-страницата на Министерството за надворешни работи, Владисавлевиќ служел во српската армија како пилот, помошник-командант на ескадрилата на борбената авијација во Батајница, помошник-командант на полкот на борбената авијација во Батајница, а бил и предавач на Воената академија. Како дипломат, од 2005 до 2009 година тој бил на дипломатска функција во Турција, а од 2015 до 2021 година беше и директор на Владината канцеларија за преговори со Приштина.

Во српската Военоразузнавачка агенција се вработил во 2004 година, за во 2009 година да биде назначен за нејзин заменик-директор. Во 2012 година стана нејзин директор, а во 2014 година се пензионираше од таа функција.

Со указ на Вучиќ од 18 септември, објавен и во вчерашниот Службен весник, Марија Јовиќ е именувана за амбасадор на Србија во Државата Катар.

Во истиот „Службен весник“ беа објавени и укази за отповикување на шестмина амбасадори на Србија – Иво Војводиќ од Словенија, Небојша Кошутиќ од Полска, Татјана Панајотовиќ Цветковиќ од Ерменија, Синиша Павиќ од Индија, Александра Ковач од Јапонија и Мирослав Мирослав од Египет.