Фудбал
Де ла Фуенте: Фактот дека целиот свет сака да ја победи Шпанија е прекрасно чувство
Селекторот на Шпанија, Луис де ла Фуенте, го коментираше поразот од 3:2 од Англија на нивниот домашен натпревар во 6. коло од групната фаза на Лигата на нации.
– Во првите 30 минути, тие нè исфрлија од ритам и беа подобри од нас. После тоа, се вративме и мислев дека ќе стигнеме до нерешен резултат. Но, ќе употребам фраза што ја користев и претходно кога не губевме: „Најдоброто допрва доаѓа“. Поддршката што ја добивме од навивачите тука беше апсолутно фантастична и сакам да им се заблагодарам. Денешната изведба на Англија покажа колку беше тешко да се постигне она што го постигнавме. Моравме да се бориме за нашата серија без пораз, а денес беше нивен ден, а не наш. Добро, не сме ја вкусиле често горчината на поразот, но остануваме горди, остануваме решени – во март сме во четвртфиналето и ќе влеземе во овој плејоф решени да победиме и да го освоиме турнирот.
Фактот дека целиот свет сака да ја победи Шпанија е прекрасно чувство, изјави шпанскиот селектор на веб-страницата на УЕФА.
Шпанија (15 бода од 6 натпревари) заврши втора на табелата во Групата 3 од Дивизијата А на Лигата на нации.
ноември 16, 2026


