Јапонската полиција соопшти дека 20 до 30 вработени во трговскиот центар во Кумамото се водат како исчезнати по земјотресот

Се верува дека повеќе лица за кои се смета дека се вработени во трговскиот центар „Еон Мол“ во Кумамото се водат како исчезнати, јави јапонскиот јавен радиодифузен сервис НХК, повикувајќи се на Националната полициска агенција.

Според медиумот, како што пренесува Би-Би-Си, полициски извори велат дека е изгубен контактот со 20 до 30 вработени и службите за итни случаи работат на утврдување дали некој е заробен во трговскиот центар.

Претходно НХК јави дека вработените во „Еон“ ги воделе клиентите да се евакуираат надвор од зградата пред да се случи експлозијата.

Агенцијата јави дека сведок видел експлозија и чад во трговскиот центар. Сведокот го видел вториот кат од зградата како се урива, а некои купувачи биле однесени во болница.

Јапонската агенција за управување со пожари и катастрофи подоцна потврди дека вториот кат од „комерцијален објект“ се урнал, а многу луѓе се заробени внатре.