Ферари ќе донесе ажуриран мотор на Големата награда на Италија

Тимот на Ферари подготвува неколку големи ажурирања на својот болид за втората половина од сезоната во Формула 1 шампионатот.

Според италијанското издание „Autoracer“, Ферари веќе испланирал распоред за воведување на ажурирања на болидите – планирани се вкупно три главни пакети.

На пример, за Големата награда на Холандија, која ќе биде следната рунда од шампионатот по продолжувањето, Ферари ќе подготви ажурирана верзија на подот на болидот. Ова е значително изменета верзија на подот што Ферари претходно го подготви за трката во Барселона.

Најзначајната нова карактеристика ќе се појави на Големата награда на Италија – во Монца, Ферари ќе донесе ажуриран мотор, развиен како дел од програмата „ADUO“ со цел подобра ефикасноста на турбополначот.

Во меѓувреме, инженерите на Ферари веќе работат на следниот сеопфатен пакет надградби за болидот – се очекува кон крајот на сезоната да биде готов.