Маркез опериран по сериозната несреќа на Мото ГП во Каталуња

Мотоциклистот Алекс Маркез, кој падна на трката за Големата награда на Каталуња, успешно е опериран. Тој ја скрши клучната коска, според објавата на страницата на социјалните мрежи на неговиот тим „Гресини Рејсинг“.

Маркез е опериран на десната клучна коска ноќта по несреќата, а фрактурата беше стабилизирана со плочка. Се очекува наскоро да биде отпуштен од болница.

Во неделата, Маркез се судри со Педро Акоста, ја напушти патеката, падна од мотоциклот и удри во пречка. Тој беше хоспитализиран, а подоцна се освести. Прегледот покажа маргинална фрактура на седмиот цервикален пршлен и фрактура на десната клучна коска.

Триесетгодишниот Шпанец има 18 подиуми во Мото ГП, вклучувајќи четири победи.