Порто по 31. пат португалски првак

Две кола пред крајот на сезоната во португалската Примеира лига, фудбалерите на Порто ја освоија шампионската титула со триумфот синоќа на домашен терен од 1-0 над Алверка.

Пред завршните две кола, Порто има 85 бодови, недостижни девет повеќе од второпласираната Бенфика, која во саботата одигра само 2-2 на гостувањето кај Фамаликао.

Третопласираниот Спортинг заостанува три бодови зад Бенфика, со натпревар помалку.

За Порто ова е 31 шампионска титула во португалскиот фудбал, а рекордер останува Бенфика со 38 титули.