Локатели: Играчите на Јувентус дадоа сè од себе, до последна капка

Капитенот на Јувентус, Мануел Локатели, ја коментираше победата од 3:2 над Галатасарај во реваншот од плејофот на Лигата на шампионите, што доведе до нивно елиминирање од натпреварувањето.

– Никогаш не ја изгубивме вербата. Само помислата на тоа ме тера да заплачам. Дадовме сè од себе, до последна капка. Резултатот од првиот натпревар ни ја отежна задачата денес. Искрена благодарност до сите – навивачите беа фантастични. Ова се натпревари што ни остануваат во сеќавањата. Тие нè наполнија со енергија што ќе ни служи добро во иднина, изјави Локатели на официјалната веб-страница на УЕФА.

Галатасарај го доби првиот натпревар со 5:2, пласирајќи се во осминафиналето на Лигата на шампионите, каде што ќе се соочат или со Ливерпул или со Тотенхем. 

Ждрепката за осминафиналето во ЛШ ќе се одржи утре во седиштето на УЕФА во Нион со почеток во 13 часот.