Хау: За Њукасл, пласманот во осминафиналето е огромно достигнување

Тренерот на Њукасл, Еди Хау, ги искажа впечатоците за синоќешниот натпревар со Карабах.

Англискиот тим победи со 3:2 и со вкупни 9:3 избори осминафинале во Лигата на шампионите.

– За Њукасл, пласманот во осминафиналето е огромно достигнување. Навистина ми се допадна новиот формат на турнирот. Мислам дека е фантастичен. Се претставивме многу добро во тешки натпревари. Не мислам дека денес одигравме особено извонреден натпревар, многу сум среќен што победивме. Со кого и да се соочиме во осминафиналето, ќе имаме фантастичен натпревар. Оваа победа ќе ни даде нов моментум и ќе ни даде гориво за следниот натпревар, изјави Хау за официјалната веб-страница на УЕФА.

Њукасл во осминафиналето ќе се соочи со Челзи или со Барселона. Противникот ќе биде одреден со ждрепката в петок, 27 февруари.