Сабаленка го освои турнирот во Бризбејн

Белоруската тенисерка Арина Сабаленка утрово ја победи Украинката Марта Костјук во финалето на турнирот ВТА 500 во Бризбејн.

Мечот траеше 1 час и 19 минути и заврши со 6:4 и 6:3.

Првиот светски рекет сервираше еден ас и реализираше три од своите осум брејк топки. 

Костјук која е 26. на ВТА ранг-листата постигна три асови, три двојни грешки и реализираше една од своите три брејк топки.

Ова беше петти меѓусебен натпревар и петта победа за Сабаленка.

Дваесет и седумгодишната Белорусинка го освои својот 22-ри ВТА турнир во своето 42. финале. Костјук има една титула во четири финалиња во кариерата.

Наградниот фонд на WTA Бризбејн Интернешнл во Австралија изнесуваше 1,2 милиони долари.