Солскјер на преговори со Манчестер јунајтед

Поранешниот тренер на Манчестер јунајтед, Оле Гунар Солскјер, денес ќе разговара за враќање во клубот, објави „Sky Sports“.

Солскјер би можел да го води клубот до крајот на сезоната 2025/26.

Според британските медиуми, Мајкл Карик, кој е исто така кандидат за функцијата, веќе се сретнал со раководството на клубот.

Солскјер го водеше Манчестер Јунајтед од 2018 до 2021 година, првично како привремен главен тренер, пред да ја преземе функцијата трајно. Под водство на Норвежанецот, клубот беше втор и трет во Премиер лигата.

На 5 јануари, Манчестер јунајтед го отпушти Рубен Аморим од функцијата главен тренер. Португалскиот интернационалец беше во клубот од ноември 2024 година. По 21 коло, Манчестер Јунајтед е на шестото место во Премиер лигата со 32 бода.