Мароко преку Танзанија до четвртфинале на Африканскиот куп на нации

Мароко ја победи Танзанија со 1:0 вечерва во осминафиналето на Африканскиот куп на нации.

Единствениот гол го постигна Брахим Дијаз во 64. минута, по додавање од Ашраф Хакими.

Во 15. минута, голот на мароканскиот играч од средниот ред Исмаел Саибари беше поништен поради офсајд по интервенцијата на ВАР.

Во четвртфиналето на Африканскиот куп на нации 2026, Мароко ќе се соочи со победникот од натпреварот Јужна Африка – Камерун кој ќе се одржи вечер со почеток во 20 часот.