Норис за дисквалификацијата во САД: Разочарани сме што изгубивме толку многу поени

Возачот на Мекларен, Ландо Норис, зборуваше за своето разочарување од неговата дисквалификација и губењето на второто место на Големата награда на Лас Вегас.

Норис и Пјастри беа дисквалификувани откако техничкиот преглед на ФИА по трката откри дека нивниот автомобил претерано се истрошил на подот.

– Беше разочарувачки крај на денот. Кон крајот на трката, мораше да го контролираме темпото на автомобилот, и сега е јасно дека тоа се должеше на одредени проблеми што се појавија на автомобилот, што, за жал, на крајот доведе до дисквалификација. Разочарани сме што изгубивме толку многу поени. Како тим, секогаш се стремиме да притискаме силно, да го туркаме автомобилот до неговите граници и да извлечеме што е можно поголема брзина. Денес, очигледно не успеавме да ја одржиме таа рамнотежа. Во секој случај, не можам ништо да сменам. Можам само целосно да се фокусирам на подготовката за Големата награда на Катар, каде што ќе се стремиме да ги испорачаме најдобрите можни перформанси во секоја сесија, изјави Норис.

На две трки до крајот на сезоната во Формула 1 шампионатот, Норис е лидер со 390 бодови, пред Макс Верстапен и Оскар Пјастри кои собраа по 366 бода.