Американскиот Сенат бара гласање за нови санкции против Русија

Американските сенатори работат на забрзување на процесот на гласање за нов пакет санкции против Русија, додека се чекаат детали од разговорите меѓу американскиот и рускиот претседател, Доналд Трамп и Владимир Путин.

Водечкиот републиканец во Сенатот, Џон Тун, им рече на новинарите дека „дојде време“ да се гласа за законот на кој се работи веќе некое време.

„Мислам дека времето е вистинско… мора да се движиме“, рече Тун.

Тој додаде дека некои технички прашања сè уште се решаваат, но изрази надеж дека гласањето ќе биде закажано наскоро. Во меѓувреме, сенаторите наводно организираат двопартиска средба со украинскиот претседател Володимир Зеленски, кој утре е во посета на Вашингтон.