Британскиот боксер Хатон извршил самоубиство

Британскиот боксерски првак Рики Хатон (46), чие безживотно тело беше пронајдено на 14 септември, извршил самоубиство, јавија денеска локалните медиуми.

Поранешниот шампион во велтер и супер лесна категорија, познат по својот агресивен стил и прекарот „Убиецот“ (The Hitman), беше пронајден мртов во својот дом во Хајд од негов близок пријател.

Според прелиминарниот обдукциски извештај, станува збор за самоубиство со бесење, а главното сослушување е закажано за 20 март следната година, објави Би-Би-Си.

Хатон беше еден од најлегендарните и најпопуларни британски боксери на сите времиња. Во текот на својата кариера, извојува победи во рингот против дузина големи боксерски имиња, а се бореше и со легенди како Флојд Мејведер Џуниор и Мани Пакјао.

По пензионирањето, Хатон беше тренер и боксерски промотор.